طريقة عمل الفراخ المشوية زي المطاعم
تعتبر الفراخ المشويه من أفضل الأكلات لدي الجميع
ولا يختلف عليها أحد سواء الكبار او الأطفال
فهي وجبة لذيذة وشهية وصحية جداً ولها عدة طرق في تتبيلها وكلها شهي
ولكن اليوم نقدم لك احسن تتبيلة للفراخ المشوية بالفرن بمكونات موجودة في كل بيت
يجب عليكي التنوع والتجديد في التتبيلات والخلطات لكي لا تشعري بالملل
الفراخ المشوية في الفرن بطريقة عبقرية و احلى تتبيلة فراخ مشوية خيالية مش هتبطلوا تعملوها وهتشرفكم في العزومات وهتعتمدوها طول الوقت
مقادير تتبيلة الفراخ المشوية زي المطاعم
- دجاج
- ٣ بصل مقطع حلقات
- ٣ فص ثوم مفروم
- قرن فلفل أخضر كبير شرائح
- ٢ كوب عصير طماطم
- ٤ ملعقة كبيرة زبادي او علبة ١٧٠ جرام
- ملعقتين زبدة او سمنة
- ٥ ملعقة زيت
- ملح
- فلفل أسود
- ملقه كبيرة كاري
- ملعقه صغيره بهارات دجاج
- ربع ملعقة جنزبيل إختياري
- نصف ملعقة صغيرة قرفة إختياري
طريقة عمل الفراخ المشوية في فرن البوتاجاز
- ملحوظة هذه المقادير تكفي لعمل دجاجتين أو ثلاثة
- قطعي الفرخة لأربع قطع وإغسليها كويس ونشفيها
- قطعي البصل شرائح رفيعة
- خدي نصف كمية البصل وضيفيه على الفراخ ضيفي عليهم ملعقة كبيرة من الفلفل الأسود والملح
- إدعكي البصل والملح والفلفل والفراخ مع بعض كويس قوي
- من جميع الاتجاهات وتحت الجلد سيبيها في التتبيلة دي ساعتين
- والأفضل تبات من بليل في التتبيلة
- ضعي قدر على النار وأضيفي له خمس ملاعق زيت ومعلقتين زبدة او سمنة
- إنزلي عليهم بنصف كمية البصل المتبقي
- وقلبي البصل لحد مايتكرمل وياخد لون دهبي فاتح
- ضيفي الثوم المفروم وقلبيهم لحد مالبصل ياخد لون
- نضيف الفلفل ونقلب لحد مالفلفل يتحمر شوية
- وإنزلي عليهم بعصير الطماطم وقلبي
- ممكن تضيفي معلقة صلصة طماطم عشان اللون يبقى احمر
- نضع بهارات تتبيلة الفراخ المشوية ملح فلفل اسود وكاري وجنزبيل وقرفة وبهارات فراخ
- غطيها وسيبيها تتسبك شوية لمدة ربع ساعة تقريباً
- لحد ماتحسي إن الدهون فصلت على الوش
- بعد كدا
- حطي تتبيلة الفراخ المشوية في الخلاط مع الزبادي
- أو إضربي التتبيلة بالهاند بلندر لحد ماتبقى ناعمة
- وضيفي التتبيلة على الفراخ ووزعيها كويس
- ضيفي معلقه سمنة بلدي علي الوش هتديها طعم شهي
- غطي الصينية بورق فويل و دخلي الفراخ المشوية في الفرن
- على أعلى درجة حرارة لمدة نص ساعة على حسب حجم الفراخ
- وبفرشة كدا إدهنيها بالصوص إللي نزل منها
- ودخليها الفرن وشغلي عليها الشواية تاخد لون من فوق
- قدميها مع رز ابيض بالشعرية وشوية سلطة
- وبالهناء والشفاء